Holi and Colors of Life

Holi..a festival of colors, a festival of love and unity and a celebration of good over evil...Its a time when we forget everything and just enjoy our heart out with our near and dear ones.

A very amateur attempt in describing holi in a poetic fashion along with conveying a message !

Holi ka tyohaar aaya..

anek anek khushiyaan laaya..

kai rangon se bhara hai ye..

apno ko apno se baandhta hai ye !!

Holi mein jis tarah..

lakdi ko prajvalit kiya jaata hai..

ye darshaate ki jeevan mein sadaiv..

burai par achchai ki jeet ko hi paya jaata hai !!

Hum bhi apne andar base..

uss bure insaan ko jala sakte hai..

viparit disha mein na bhatakte hue aise..

hum bhi ek sunhera kal paa sakte hai !!

Rangon se aao iss maahaul ko hum aise bhar de..

bure vichaaron par pichkaari se paani maar de..

gujiyaa jaise meethe khayaalon se apna hriday bhar sake ..

aur bhang ke nashe jaisa pyaar ka nasha dusron ko de sake !!

Anya kai rang aise bhi hote hai..

jaise nafrat, jalan, klesh aur naaraazgi..

aur zindagi mein kai saare aise pal bhi hote hai..

jinmein hum aaj bhi dhundte hai thodi si saadgi !!

Doston..is rangeen avsar par..

aao milke kuch aisa kar jaye..

unn kam naseeb walo ke dvaar par..

hum khushiyon ke rang bhare gubbbaare fod aaye !!

May God gift everyone all the colors of life, colors of joy and happiness, colors of friendship, colors of love and all the other colors you want to paint in your life. HAPPY HOLI !!